Hjólað af stað í morgunblíðunni

06. maí 2015

Hjólað í vinnuna hófst formlega í morgunblíðunni í Fjölskyldu- og Húsdýragarðinum í morgun. Hafsteinn Pálsson, formaður Almenningsíþróttasviðs ÍSÍ, Illugi Gunnarsson mennta- og menningarmálaráðherra og Hjálmar Sveinsson borgarfulltrúi í Reykjavík ávörpuðu gesti og hjóluðu verkefnið síðan af stað. Léttar veitingar voru í boði Fjölskyldu- og Húsdýragarðsin og DR. Bæk var á staðnum með smurolíubrúsann á lofti að lagfæra hjól. 

Hér má nálgast myndir frá opnunarhátíðinni.